Thoda kam bolo.
Itna sara kehne mein,
bhool na jana baat ko
Chaho to ek kavita likh do,
ek choti si kavita
Lekin kavita ko
kavita ki tarah mat likhna,
na baat ko baat ki tarah kehna
Ek laya ho
par zaroori nahi
ki koi geet hi ho
Thos ho par
usme samjhaish ki ubasi na ho
Keval tumhari baat karna
kavita ki nahi
Kavita ko kehna
kavita ke baare mein nahin
Jadon ka phailaw
ho sakta hai
par mitti ko
bandhe bhi rakhna hai
Kavita mein kho jana
bahut aasan hai
kavita sabse mahan hai
Tumhari baat ek teer ki tarah
lagni chahiye
Kavita to keval uski kamaan hai.
No comments:
Post a Comment