Chalo kiya

Tumse  milna tha
chalo mil liya
Tumhara chehra yaad kar liya
dekh kar tumhe ek naam padh liya
Tum sawaal poochne lagi aur main sawaal karne laga

Tumse baat karni thi
chalo kari.
Tumhari awaz ko sun liya
fir kuch mashwarah kiya
Hum chup rahe.

Tumse milkar sawaal nahi karne the,
Baatein karke chup nahi hona tha,
Saath pane ke liye kuch to karna tha...

Chalo kiya.

Patharaya huya jeevan hai, 

aur main pani jo behkar 

upar se nikal jana chahta hoon,

fislan to har chattan ki hai, 

aur main hawa jo chookar 

sarsaraana chahta hoon.

daal to har ped ki haath badhaati hai.

todkar unhein mitti par 

ek akar banata hoon.

meri parchanyi ko 

akar dena chahta hoon.

Bombay mein baarish ho rahi hai

andhera ho raha hai

Mann ko bhiga lene ki farmaish ho rahi hai

gadiyon ka dhuaan andar baitha siskiyaan le raha hai

Saal ab thande pani ki chuskiyaan le raha hai

Logon ko aaj bhi kaam par chal dene se,

rokna mushkil ho raha hai

Chakka bhi baraste pani mein dhul jane ka

maza le raha hai

Monsoon, virar fast sa khacha-khach bhara mumbai aya hai

Bas ab boondein phoot padengi bahar

Shaam se pehle koi ghar nahi jane wala

abhi to office jane ka samay ho raha hai...